النهارده النبي ﷺ تحديدا عنده 25 سنة في ريعان شبابه.. أجمل مخلوق خلقه الله هو النبي صل الله عليه وسلم..بدأ النبي يشتغل في التجارة بعد تعليم عمه أبو طالب له .. وبدأت سمعته تنتشر في قريش وبدأت قريش كلها تتكلم علي محمد وعلى أخلاق محمد ومهارته في التجارة وأمانته وصدقه ووفاؤه لحد ما لُقِّب بين قومه بالصادق الأمين ♡
السيده خديجة عايشة بئه كان عندها 40 سنة وكانت جميله جدا وغنية جدا جدا وكانت أرمله .. وورثت زوجها أبي هاله وكان غني جدا و عيلتها اصلا كانت غنيه وهي كانت بتعمل حاجة اسمها المضاربه .. يعني تجيب تاجر تأجره في مقابل إنه ياخد التجارة بتاعتها ويروح يبيع ويشتري و يجيبلها بعد كده الربح (المكسب يعنى)
فبدأت أخبار النبيِّ ﷺ تنتشر لغايه ما وصلت لخديجة بنت خويلد فبدأ يدخل في قلب خديجة شئ من الحب إلى رسول الله..
لدرجه انها فكرت و قالت للغلام اللى بيشتغل معاها اسمه "ميسرة "وسألته : ماذا سمعت عن محمد ؟..
فقال لها : انه صادق وأمين ووفيّ وماهر في التجارة.. وقالها كل صفاته صلى الله عليه وسلم وكل اللي قريش بتقول عنه ؛)
فقالت :يا ميسرة اذهب إليه واسأل محمد هل يقبل أن يُضارب في أموالي بالأُجرة.
وفعلا ميسرة راح للنبي وقاله : يا محمد تسألك خديجة بنت خويلد أن تُتاجر في أموالها فهل تقبل ؟ فواااافق محمد ﷺ
(و مش رفض يشتغل مع إمرأه )
فخديجة جابت ميسرة وقالت له : يا ميسرة انا حبعت محمد في تجارة لحدود الشام بمبلغ صغير (اصلها عايزه تجربه وتختبره اﻷول) ولو فعلا طلع صادق وأمين حكمل معاه ...
و قالت : انا عايزاك يا ميسرة تبقى عينك علي محمد وترجع تقولي، ايه اللي حصل وعمل ايه فى الفلوس واشتغل ازاي ..
وفعلا سافر ميسرة مع محمد ﷺ وخلصوا التجارة بتاعتهم ..ورجع ميسرة ولقى السيده خديجة وقفاله على الباب.. فقالت : ما فعل محمد يا ميسرة ؟
رد عليها بجملة واحده بس... قال: يا سيدتى لم أر في حياتي مثل هذا قط ، كان يفعل كذا وكذا وكذا ..و قعد بئه يحكيلها على امانة محمد وعلى صدقه وعلى أخلاقه وعلى عفته عليه ا ميسرة لصلاه والسلام ..فبدأ يقع في قلب السيده خديجة حب اكتر لرسول الله ♡ :')
و فى يوم دخلت عليها واحده صاحبتها اسمها نفيسة بنت المنبه.. وسألت خديجه عن اخبارها ، فبتقول نفيسة : فلم تتكلم خديجة إلا على محمد
:-D ♡ ولم تنطق بكلمة واحده غير محمد ،قعدت بئه تحكى لنفيسه عليه .. محمد راح ورجع وعمل وده أمين أوى و إنسان محترم اوى..فنفيسة قالت لها : أوليس غير محمد !! ((هوه مفيش كلام غير عن محمد واخباره
;-) )) فالسيده خديجة انتبهت كده لنفسها واتكسفت بئه ..بس نفيسة فهمت وقدرت إحساس خديجه رضى الله عنها ومشاعرها الجميله وقالت لها : يا خديجة تحبى أكلمهولك ♡ ؟
ردت خديجة و قالت : في إيه؟
قالتلها : في الزواج
^_^فردت خديجه : من مين!
قالتلها : منك
^_^فخديجة قالت : ايوه... كلميه :') ♡
و راحت نفيسة للنبي عليه الصلاة والسلام فقالت : يا محمد مش بتفكر فى الزواج؟
فسكت النبي و قال : يعنى .. مش عارف
قالت له : طب و ليه متتجوزش بئه
قال : ومين تفكر تتجوزنى وأنا لسه فى بدايه حياتى
فقالت : خديجة
^_^فالنبي قال : هيه ترضى؟! ♡
قالت نفيسة : اممم طيب هكلمهالك و اشوف ( اتصرفت نفيسه بكل ذكاء
;-) من غير ما تسبب إحراج لخديجه ) وبسرعه تجرى نفيسة وهيه طايره من الفرحه لحد ما وصلت لخديجه وقالت: أبشري يا خديجة قَبِلَ محمد .. قَبِلَ محمد ..ففرحت خديجة حتى بكت :') ♡
وغابت نفيسة يومين بئه ( كأن يعنى السيده خديجة محتاجه وقت تفكر
^_^ ) وعدى اليومين راحت نفيسه لمحمد و قالت بفرح : يا محمد ..قبلت خديجة ..قبلت خديجة ..ولما قلت لخديجه عليك قالت: وهل مثل محمد من أحد ♡ ! ( يعنى هوه فيه فى الدنيا زى محمد )فرح النبي صلى الله عليه وسلم اوى وتم الزواج ، كان بيحبها لدرجه ان النبي ﷺ
بعد وفاتها كان لما يجي يتكلم عن خديجة كان يقول " إنى رُزِقت حبها "
كان النبى عليه الصلاه والسلام بيحبها اوى وبعد وفاتها كان فى منتهى البر و الوفاء لحبهم :') ♡ لدرجه أن مرة الصحابة دبحوا غنم فالنبيﷺ راح وأخد حته منها ولفها ..وقالهم : أرسلوا به إلى صاحبات خديجة ،
النبي ﷺ عنده 25 سنة والسيده خديجة عندها 40 سنة و اتوفت خديجه لما النبىﷺ كان عمره 50 سنه ..يعنى عاشوا سوا 25 سنة ♡ ..وبعد وفاتها النبىﷺ فضل زعلان على السيده خديجة لدرجة إن واحده من الصحابيات لاقت النبىﷺ قاعد في طريق من طرقات المدينه وحاطط وجهه الشريف في كفيه (يعنى على كفوف ايديه) فوقفت وقالت له : ياااا يا رسول الله أنت لسه حزين على خديجه ، فسكت ومردش عليها
:'(فتقول له : يا رسول الله : طيب ممكن تهون على نفسك شويه بس
:'(.. فبرده سكت ومردش عليها.. فتقول له : يا رسول الله طب إيه رأيك تتجوز ؟ بتقول الصحابيه فرفع النبي عليه الصلاه والسلام راسه فلاقيته بيعيط.. دموعه نازله من عينيه كتير اوى و راح باصصلى وقالى : وهوه فيه فى الدنيا حد زى خديجه :')ومن شده حزنه ودموعه بتقول الصحابية : انا ندمت وقلت لنفسى ياريتنى ما كنت نطقت بكلمه واحده ..
على فكره الزوجه اللي النبيﷺ
اختارها بنفسه هي خديجة بنت خويلد وباقي الزوجات كان زواجهم بأسباب وفى منهم زواجهم كان بأمر من الله عز وجل.. وهنرد ونوضح سوا اسباب زواجه من كل زوجه من زوجاته وإيه اللى حصل..وده هيبقى رد على أي حد بيخوض في رسول الله ويقول إن النبىﷺ كان بيحب يتجوز كتير ..
وتعيش السيده خديجه مع محمد ﷺ
في حب وسكينة وموده ، قصة حب لم يشهد التاريخ مثلها..
تعليقات